اجرينا حوارا شيقا مع ميس هنادى نجيب استاذة مادة الماث و الرياضيات للمرحلة الابتدائية و الاعدادية و مدربة الفيدا الهندية و الهندسة الرياضية و المدرب المعتمد لمكعب روبيك التى اصبحت واحدة من اشهر مدرسين المادة و التى اكتسبت شهرة كبيرة فى الفترة الاخيرة نتيجة لدرجات طلابها و التى لا تخلو من الدرجات النهائية و الاراء الايجابية عن عملها فى هذا المجال و قد كشفت لنا اسرار التفوق في المادة بشكل عام من وجهة نظرها وكان حوارنا معها كالاتي :
ميس هنادى , في البداية ممكن تقولى لنا ازاي المدرس يقدر يوصل انه يحبب الطالب فيه ؟
من وجهه نظري لازم المدرس يفهم عقلية الطالب اللي قدامه كويس و يعرف نقطة ضعفه و يقويها ونقطة قوته و يقويها اكثر , ولازم كمان المدرس يتعامل مع كل سن بما يتناسب معه
حضرتك ذكرتى انك مدربة للفيدا الهندية , ممكن حضرتك تقوليلنا ايه هى الفيدا الهندية ؟
الڤيدا الهندية دى رياضيات ذهنية انا بستخدمها ف شرحى فى المناهج من اول التأسيس لحد الاعدادى بتسهل وصول المعلومة ع الطفل بأفكار متسلسلة ومبسطة كلها
جدول الضرب اللى بيعمل عقدة لكل الاطفال معايا الطالب اللى بيصنع الجدول بنفسه عشان يدخل دماغة وميعملش عقدة ليهوالقسمة اللى عاملة عقدة للكبير قبل الصغير معايا الطفل ف اولى ابتدائى ماشاء الله بيحل قسمة مطولة كل دا طبعا بدون استخدام اى ادوات نهاىى الطفل بيستخدم دماغة فقط وبيحل حل واقعى مش حل تخيل و الحمدلله انا تم اختبارى مسئول محافظة دمياط فى الفيديك ماث
ما شاء الله , حضرتك بردو ذكرتى انك مدربة الهندسة الرياضية , ممكن تقوليلنا ايه هى الهندسة الرياضية ؟
الهندسة الرياضية معايا طفل اولى وتانية ابتدائى بيعرف الاشكال الهندسية وبيتحكم فى الرسم بالمنقلة والبرجل
طب ممكن حضرتك تقوليلنا دى بتفيد الطفل ازاى ؟
البرنامج استطاع إنه يحقق المعادله الصعبه ويدمج الهندسة الاقليدية ب8مستويات مختلفة وشاملة بالمناهج الدراسيه بشكل ممتاز جدا ويتعامل مع كل اساسيات الهندسة بدون خوف ولا قلق و بالتالى الطالب يقدر يدخل ف مواجهة فى اى حاجة تخص الهندسة والرسومات المعقدة وده كان السبق بفضل الله وتحدى
اللي ابنه مش بياخد هندسة إقليدين فايتة كتير اكيد
وخصوصا ف المناهج الجديدة اللى انا بحب جدااا اشتغل بيها مع الطالب والحمد لله قدرت اوصل الطلاب أنهم يعشقوا ضغطة المناهج الجديدة
حضرتك بتستغلى المكعب ازاى وسط مجال الرياضيات ؟
انا بكافىء طلاب الفيدا بحل المكعبات ودا بيحفزهم جداااا أنهم يخلصوا كل مستوى عشان يستلموا الشهادة ويتعلموا مكعب جديد زى اطفال اليابان
جميل جدا , طب هل ممكن مدرس يكون سبب ان الطالب يحب مادته ؟
طبعا بلا شك احيانا ممكن الطالب يكون كاره المادة جدا ويدرس له مدرس يخليه يعشق المادة
ممكن نفهم استراتيجية حضرتك في التدريس ؟
انا بهتم دائما ان الطالب يحل اكبر قدر من الاسئلة لان الحل كثير هو اللي بيثبت المعلومة وكمان بهتم جدا اني احط الطالب في موقف الامتحانات عشان لما يدخل لجنة الامتحان ميكونش عنده رهبة الامتحان
ميس هنادى , ممكن تقولى لنا ازاي حضرتك قدرتى تحصلى عل كل هذا القدر من الشهرة ؟
ولا شهرة ولا حاجة , انا دائما مؤمن انك لما توصل لمرحلة معينة , لازم دائما تبص على المرحلة اللي بعدها ومينفعش الغرور يتملكك او انك تكتفي بالنجاح , دائما اسعى للتفوق
ممكن تقوليلنا ازاى تم اختيارك كا مسئول محافظة دمياط للفيديك ماث للمرة التانية على التوالى ؟
اكيد بيتم عمل انتخابات مجلس إدارة وتصويت وببتم اختيار المسؤولين حسب كفاىتهم وتفاعلهم مع البرنامج ومع زمايلنا المدربين ف مساعدتهم ف اى حاجة تخص انتشار البرنامج وإثبات كل مدرب فى مكانة
يعني نقدر نفهم من كلام حضرتك ان اللي حضرتك بتعلميه للاولاد حضرتك ماشي به في حياتك العملية ؟
بالضبط كده , التفوق ثم التفوق ثم التفوق
ممكن تقوليلنا ازاى قدرتى تكتسبي ثقة اولياء الامور بالشكل الكبير ده ؟
اكيد ولى الأمر بيحب مدرس ابنة يكون شديد وحازم ومتمكن فى توصيل المعلومة وف نفس الوقت يكون بيحب ابنة ويكافئه والطالب ميخرجش من الحصة الا وهو واثق ف نفسه واخد قدر المعلومات المطلوب
وفي نهاية حوارنا .. ميس هنادى نجيب تحب تقول ايه لاولادها الطلاب ؟
